Tak dapek den nak ngobaan jantan jonih apo bondo eh ntah.Nak koba an B****** badan bapak punyo bosa..kojo pun elok yo dongar eh tapi otak eh lotak kek lutut. Ha tau tak den cerito pasal apo ni..?? tengok la tajuk eh kek ateh tu..walaupun dah berapo hari lopeh cerito ni tapi den ghaso masig paneh lae kot.

Kito bukan apo..sebagai manusio yang waras dan mampu bopikir sepatut nya buleh lae kawal kemarahan tu kan. Dah la belasah bini lopeh tu belasah dalam lif pulak tu xdo aka ko apo..memang la orang tak nampak..tapi tuhan nampak..lopeh tu rozoki dio lif tu plak ado CCTV ha mendapek teh kau eh..

Bolasah pulak dopan anak-anak tak ko contoh yang tak baik tu. Den sebagai sorang laki kek bini den gaso nak jontik bini pun x sanggup. Apo lae la nak buek apo yang sedaro kito buek kek bini eh tu..

Dalam surat khabar koba dio mintak maaf dan x sengajo nak ajar bini eh macam tu.Tapi ghaso den la satu Malaysia x nak maaf kan dio kan.Apo-apo pun kito harap jangan la kito buek sesuatu yang x patut kito buek..samo samo kito dijauhkan dari bondo-bondo buruk..

p/s : marah bona la ni tu yang tulis dlm loghat N9 ni